Aao Shahmukhi Sikhiye || ਆਓ ਸ਼ਾਹਮੁਖੀ ਸਿੱਖੀਏ ॥ Jaspal Ghai

ਸ਼ਾਹਮੁਖੀ ਕਿਉਂ ਸਿੱਖੀ ਜਾਵੇ?

ਜਿਵੇਂ ਕਿ ਉੱਪਰ ਦੱਸਿਆ ਗਿਆ ਹੈ ਕਿ ਦੋਵੇਂ ਪੰਜਾਬਾਂ ਦੀ ਭਾਸ਼ਾ ਪੰਜਾਬੀ ਹੈ, ਪਰ ਉਹ ਇਕ ਦੂਜੇ ਦਾ ਪੰਜਾਬੀ ਚ ਲਿਖਿਆ ਪੜ੍ਹ ਨਹੀਂ ਸਕਦੇ। ਇੰਜ ਦੋਵੇਂ ਪਾਸਿਆਂ ਦਾ ਚੰਗਾ ਸਾਹਿਤ ਸਿਰਫ਼ ਇਕ ਲਿੱਪੀ ਤਕ ਸੀਮਤ ਹੋ ਕੇ ਰਹਿ ਗਿਆ ਹੈ। ਇਸ ਖੱਪੇ ਨੂੰ ਪੂਰਨ ਲਈ ਪੰਜਾਬੀਆਂ ਨੂੰ ਦੋਵੇਂ ਲਿੱਪੀਆਂ ਦੀ ਸਮਝ ਹੋਣੀ ਚਾਹੀਦੀ ਹੈ। ਸ਼ਾਹਮੁਖੀ ਸਿੱਖਣ ਦੇ ਤਿੰਨ ਫ਼ਾਇਦੇ ਹੋ ਸਕਦੇ ਹਨ :

1: ਸ਼ਾਹਮੁਖੀ ਚ ਲਿਖੇ ਸਾਹਿਤ ਨੂੰ ਪੜ੍ਹਨ ਯੋਗ ਹੋ ਸਕਦੇ ਹਾਂ ਅਤੇ ਗੁਰਮੁਖੀ ਚ ਲਿਖੇ ਸਾਹਿਤ ਨੂੰ ਸ਼ਾਹਮੁਖੀ ਚ ਲਿੱਪੀਅੰਤਰ ਕਰਕੇ ਪਾਠਕਾਂ ਦਾ ਘੇਰਾ ਵਧਾ ਸਕਦੇ ਹਾਂ।

2: ਸ਼ਾਹਮੁਖੀ ਲਿੱਪੀ ਅਸਲ ਵਿਚ ਕੋਈ ਵੱਖਰੀ ਲਿੱਪੀ ਨਹੀਂ, ਸਗੋਂ ਉਰਦੂ ਲਿੱਪੀ ਹੀ ਹੈ। ਇਸ ਨੂੰ ਸਿੱਖ ਕੇ ਅਸੀਂ ਉਰਦੂ ਭਾਸ਼ਾ ਪੜ੍ਹਨ ਲਿਖਣ ਦੇ ਯੋਗ ਵੀ ਹੋ ਸਕਦੇ ਹਾਂ।

3: ਸ਼ਾਹਮੁਖੀ ਸਿੱਖਣ ਦਾ ਇਕ ਬਹੁਤ ਵੱਡਾ ਫ਼ਾਇਦਾ ਇਹ ਹੋ ਸਕਦਾ ਹੈ ਕਿ ਸਾਡੇ ਗੁਰਮੁਖੀ ਸ਼ਬਦਾਂ ਦੇ ਸ਼ਬਦਜੋੜ ਸ਼ੁੱਧ ਹੋ ਸਕਦੇ ਹਨ ਅਤੇ ਸਾਡਾ ਉਚਾਰਨ ਵੀ ਸ਼ੁੱਧ ਹੋ ਸਕਦਾ ਹੈ। ਫ਼ਾਰਸੀ ਮੂਲ ਦੇ ਅਨੇਕਾਂ ਸ਼ਬਦ ਅਸੀਂ ਅਕਸਰ ਗ਼ਲਤ ਲਿਖਦੇ ਅਤੇ ਗ਼ਜ਼ਲ ਬੋਲਦੇ ਹਾਂ। ਸ਼ਾਹਮੁਖੀ ਸਿੱਖਣ ਨਾਲ ਇਨ੍ਹਾ ਸ਼ਬਦਾਂ ਦੀ ਮੂਲ ਬਣਤਰ ਅਤੇ ਸਹੀ ਉਚਾਰਨ ਦਾ ਪਤਾ ਲੱਗ ਸਕਦਾ ਹੈ।